เนื้อเพลง > ฝนฮวยดอกจาน

เนื้อเพลง ฝนฮวยดอกจาน - ก้านตอง ทุ่งเงิน

เพลง : ฝนฮวยดอกจาน
ศิลปิน : ก้านตอง ทุ่งเงิน
หมวดเพลง :
0
ฝนฮวยดอกจาน ทุ่งนาบ้านเฮา คือเอาบุญใหญ่
จั๊กจั่นตื่นฟ้าฝนใหม่ งอยง่าไม้ หยอกกันแซวๆ
หอมกลิ่นดินซุ่ม กระเจียวดอกจูม โผล่ดินอีกแล้ว
เคยเก็บลวกกินกับแจ่ว อ้ายเคียงน้อง เมื่อฝนปีกลาย

ปีนี้เหงาหลาย ฝนมาข้างกาย บ่คือมื้อเก่า
ทางย่างเคยมีสองเฮา บ่มีเงา อ้ายบ่ม่วนใจ
ฝนฮำฟ้าฮ้อง คือเสียงใจน้อง ฮ้องหาคนไกล
ไปซ้น ตึกซอกซอยใด๋ ฮู้บ่ใจ น้องเอิ้นถามข่าว

คึดฮอดบ้านเฮา คือเก่า บ้อน้อใจอ้าย
ฝนมาฟ้าใหม่ อยู่เมืองใหญ่ ไผน้อเคียงเงา
มื้ออิงไหล่อ้าย ตุ้มแพรลาย ลี้ฝนเถียงเก่า
พร่ำบอกฮักกันเบาๆ หวานมื้อเก่า อ้ายจื่อได้บ่

มื้อใด๋น้อนาง สิได้ฮ่วมย่าง ทางทรายสายเก่า
เก็บไข่จั๊กจั่นยามเช้า หมกบ่ายข้าว กับอ้ายอีกหนอ
ตุ้มแพรลี้ฝน ยงนา น้ำตาไหลคลอ
ซอมทางนั่งถ่าจ่อค่อ ยินเสียงน้องบ่ ฝากไปนำฝน

คึดฮอดบ้านเฮา คือเก่า บ้อน้อใจอ้าย
ฝนมาฟ้าใหม่ อยู่เมืองใหญ่ ไผน้อเคียงเงา
มื้ออิงไหล่อ้าย ตุ้มแพรลาย ลี้ฝนเถียงเก่า
พร่ำบอกฮักกันเบาๆ หวานมื้อเก่า อ้ายจื่อได้บ่

มื้อใด๋น้อนาง สิได้ฮ่วมย่าง ทางทรายสายเก่า
เก็บไข่จั๊กจั่นยามเช้า หมกบ่ายข้าว กับอ้ายอีกหนอ
ตุ้มแพรลี้ฝน ยงนา น้ำตาไหลคลอ
ซอมทางนั่งถ่าจ่อค่อ ยินเสียงน้องบ่ ฝากไปนำฝน
จบเนื้อเพลงฝนฮวยดอกจาน - ก้านตอง ทุ่งเงิน

มิวสิควีดีโอเพลง ฝนฮวยดอกจาน


* ลิขสิทธิ์เพลงฝนฮวยดอกจาน และทุกเพลงในเว็บนี้ เป็นของเจ้าของลิขสิทธิ์นั้นๆ จุดประสงค์ของเว็บคือเพื่อโปรโมตเพลงของศิลปินเท่านั้น ไม่มีวัตถุประสงค์เพื่อการค้า และไม่สนับสนุนการ แจกเพลง ดาวน์โหลด โหลดเพลง ริงโทน และ mp3 เถื่อนใดๆทั้งสิ้น หากชื่นชอบในเพลง กรุณาซื้อหรือสนับสนุนแต่ของถูกลิขสิทธิ์เท่านั้น เพื่อให้ศิลปินยังคงสร้างสรรค์ผลงานดีๆให้ทุกท่านได้ฟังต่อไปได้


เว็บไซต์นี้ใช้ cookie เพื่อเพิ่มประสิทธิภาพ รายละเอียด